Klubi i mendimit ekonomik

Fermerët kërkesë qeverisë: Më shumë fonde për bimët aromatike mjekësore

Fermerët e bimëve aromatike mjekësore këkojnë më shumë mbështetje nga skemat kombëtare dhe financimet e Bashkimit Evropian për të rritur cilësinë dhe sigurinë e produkteve të tyre.

Shoqata e Industrialistëve Ushqimorë (AFI) organizoi një takim ndërmjet sektorit të Bimëve Aromatike Mjekësore dhe Ministrisë së Bujqësisë dhe Zhvillimit Rural, ku të pranishëm ishin ministri Niko Peleshi, drejtoresha e Agjencisë së Zhvillimit Rural, Frida Krifca, drejtori i përgjithshëm i AKU-së, Agim Ismaili, Alban Zusi dhe Merita Janushi si përfaqësues të AFI-t, fermerë, grumbullues, përpunues dhe eksportues të bimëve mjekësore aromatike.

Si pjesë e projektit “Klasteri, Risi për Përmirësimin e Sektorit të BMA-ve”, i mbështetur RisiAlbania, AFI ka zhvilluar një serë takimesh me aktorët kryesorë të sektorit të BMA-ve për të identifikuar problemet dhe gjetur zgjidhjet më të përshtatshme për përmirësimin e performancës së sektorit. Disa nga këto problematika iu prezantuan Ministrit Peleshi gjatë takimit.

Problemi kryesor i sektorit BMA-ve është sigurimi/plotësimi i standardeve të cilesisë dhe sigurisë së produktit. Ky problem lidhet me:
1) teknikat e papërshtateshme të pas-vjeljes;
2) kushtet e papërshtateshme në qendrat e grumbullimit me mungesë të pajisjeve të duhura për të siguruar tharjen me cilesi të bimëve të vjela/grumbulluara;
3) ambalazhi i papërshtatshëm i BMA-ve dhe
4) krijimi i një sektori pranë MBZHR-së për menaxhimin e problematikave te sektorit, pasi sot nuk ka nje pike referimi per adresimin dhe zgjidhjen e tyre.

Fermerët e këtij sektori kërkuan më shumë mbështetje nga skemat kombëtare dhe financimet e IPARD, si një mënyrë për zgjidhjen e disa prej problematikave të mësipërme të sektorit, veçanërisht investimeve që kanë të bëjnë më rritjen e cilësisë dhe sigurisë së produktit.

Lini një koment

Email i juaj nuk do publikohet